Тошкент вилоятидаги аянчли ЙТҲда 2 киши ҳалок бўлди
Фото: Тошкент вилояти ИИББ
Тошкент вилоятининг Пискент туманида инсонлар ўлими билан боғлиқ ЙТҲ содир бўлди. Бу ҳақда вилоят ИИББ бошлиғининг матбуот котиби хабар берди.
Маълум қилинишича, ҳодиса бугун, 17 март куни соат 06:30 ларда Пискент тумани ҳудудида содир бўлган. «Тошкент-Бекобод« автомобиль йўлида ҳаракатланиб кетаётган юк машинаси қарама-қарши йўналишга чиқиб кетиб, ўз йўналишида келаётган «Isuzu» автомобили билан тўқнашган. Дастлабки маълумотга кўра, юк машинаси ҳайдовчиси транспорт бошқаруви пайтида ухлаб қолган.
ЙТҲ оқибатида юк машинаси ҳайдовчиси ва бир нафар йўловчиси олган тан жароҳатлари билан воқеа жойида вафот этган.
ЙТҲ юз берган жойга зудлик билан Тошкент вилояти ССБнинг малакали тиббий ходимлари, вилоят ИИББ, ФВБ ва бошқа ташкилот масъуллари жалб этилиб, жабрланганларга биринчи тиббий ёрдам кўрсатиб, уларни шифохонага етказган.
Қайд этилишича, ҳозирда мазкур ҳолат юзасидан қўшимча ўрганиш ва зарурий чора-тадбирлар кўрилмоқда.
Тавсия этамиз
Кўп ўқилганлар
- Жаҳон олимлари нигоҳи яна Ўзбекистонга қаратилди
- Президент Ўзбекистон ўқитувчи ва мураббийларига табрик йўллади
- Ўзбекистонда долларнинг расмий курси ўзгарди
- Президент Исмоил Жўрабеков вафоти муносабати билан ҳамдардлик билдирди
- Ўзбекистон ва Туркманистон: барқарор ривожланиш йўлидан бораётган давлатлар
- Тадбиркорлар янгича ёндашувлар асосида қўллаб-қувватланади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг