Ўзбекистон давлат жаҳон тиллари университетида ўтказилган “Тўмарис издошлари” спорт мусобақаси якунига етиб, энг фаол ва иқтидорли жамоалар аниқланди.

4 та шарт бўйича баҳс олиб борган 9 та факультет жамоалари орасида қуйидаги натижалар қайд этилди:

1-ўрин – Инглиз филологияси факультетининг “Зулфикор” жамоаси;

2-ўрин – Таржимонлик факультетининг “Тўмарис нафаси” жамоаси;

3-ўрин – Инглиз тили 2-факультетининг “Жасорат элчилари” жамоаси.

Шунингдек, қуйидаги номинациялар бўйича ҳам ғолиблар тақдирланди:

“Энг ижодкор жамоа” – Рус филологияси факультетининг “Қалқон” жамоаси;

“Энг ҳамжиҳат жамоа” – Инглиз тили 1-факультетининг “Турон замин қизлари” жамоаси;

“Энг фаол қатнашувчи” – Роман-герман филологияси факультетининг “Тўмарис авлодлари” жамоаси.

Мусобақа якунида ғолиб жамоаларнинг ҳар бир аъзоси қуйидагича моддий рағбатлантирилди:

1-ўрин – 800 000 сўм,

2-ўрин – 700 000 сўм,

3-ўрин – 600 000 сўм.

Ғолиб жамоаларни университет ректори Илҳомжон Тўхтасинов табриклаб, соврин ва дипломларни топширди. У ўз сўзида талаба-қизларнинг ижтимоий фаоллиги, спортга бўлган қизиқиши ва жамоавий руҳини юксак баҳолаб, келгусидаги фаолиятларида муваффақият тилади.

Робия БАХТИЁРОВА,

Ўзбекистон давлат жаҳон тиллари университети

Халқаро журналистика факультети талабаси.