Термизда тиббиёт кластери ташкил этилади
Фарҳод ЭСОНОВ/«Халқ сўзи». Термиз шаҳрида Ўзбекистон — Ҳиндистон қўшма корхонаси «NOVA PHARM» бош директори Сатвиндер Сингх ҳамда унинг ҳамкорлари Викас Панвар ва Намрита Сингх меҳмон бўлиб турибди.
Сурхондарё вилояти ҳокими Улуғбек Қосимовнинг меҳмонлар билан учрашувида фармацевтика ва тиббиёт соҳаларидаги ҳамкорлик алоқаларини янада ривожлантириш масалалари муҳокама қилинди.
Меҳмонлар вилоят марказида университет ва замонавий клиникаларни ўз ичига олган тиббиёт кластери ташкил этиш лойиҳа-таклифини тақдим этишди. Мазкур лойиҳа Сурхондарё вилоятида тиббий инфратузилмани янада ривожлантириш, соҳага малакали мутахассисларни тайёрлаш ва аҳолига кўрсатиладиган тиббий хизматлар сифатини оширишга хизмат қилиши қайд этилди.
Музокаралар якунида лойиҳани амалга ошириш билан боғлиқ ташкилий-ҳуқуқий масалаларни ҳамкорликда ҳал этиш ва ўзаро алоқаларни кенгайтириш юзасидан келишиб олинди.
Тавсия этамиз
Кўп ўқилганлар
- Эҳтиёжманд оилаларга электр ва газ бўйича компенсация берилади
- Танзила Нарбаева Парламентлараро иттифоқнинг 150-юбилей ассамблеяси Президенти этиб сайланди
- Ўзбекистонда доимий аҳоли сони ҳар куни неча кишига ошяпти?
- Айрим оилаларга бир марталик моддий ёрдам берилади
- Шаҳрам Ғиёсов тажрибали рақибини муддатдан олдин мағлуб этди
- Самарқанд яна бир нуфузли форумга мезбонлик қилади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг