ТДАУ ва Хоразм вилояти ҳокимлиги ўртасида ҳамкорлик келишуви имзоланди
Фото: ТДАУ ахборот хизмати
Хоразм вилояти ҳокими Жўрабек Раҳимов ҳамда Тошкент давлат аграр университети (ТДАУ) ректори Нарзулло Обломурадов томонидан ўзаро ҳамкорликни мустаҳкамлаш мақсадида келишув имзоланди.
ТДАУ ахборот хизмати хабарига кўра, ҳамкорлик доирасида шўрга чидамли навларни танлаш, ер ресурсларидан самарали фойдаланиш, тупроқ унумдорлигини сақлаш, мева-сабзавотчилик, узумчилик, зооинженерия, агрономия, озиқ-овқат хавфсизлиги, қишлоқ хўжалиги маҳсулотларини сақлаш ва қайта ишлаш соҳаларида ишлаб чиқаришга замонавий инновацион технологияларни жорий этиш каби қатор йўналишларда ҳамкорлик йўлга қўйилади.
Мазкур келишув доирасида томонлар юқори малакали кадрларга бўлган эҳтиёжни қондириш учун талабалар амалиётини ташкил этиш орқали илғор билим ҳамда кўникмага эга мутахассислар тайёрлашда ишлар олиб боришга келишиб олдилар.
Ушбу ташаббус вилоятда қишлоқ хўжалиги соҳасининг янада илмий асосланган ривожланишига замин яратиши, шунингдек, ёш мутахассислар учун амалий билим ва кўникмаларни мустаҳкамлашга хизмат қилади.
Тавсия этамиз
Кўп ўқилганлар
- Жаҳон олимлари нигоҳи яна Ўзбекистонга қаратилди
- Президент Ўзбекистон ўқитувчи ва мураббийларига табрик йўллади
- Ўзбекистонда долларнинг расмий курси ўзгарди
- Президент Исмоил Жўрабеков вафоти муносабати билан ҳамдардлик билдирди
- Ўзбекистон ва Туркманистон: барқарор ривожланиш йўлидан бораётган давлатлар
- Тадбиркорлар янгича ёндашувлар асосида қўллаб-қувватланади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг