Андижон вилоятида ишлаб чиқарилган саноат маҳсулотларига бўлган талаб тобора ортиб бормоқда. Мисол учун, яқиндагина иш бошлаган Андижон шаҳридаги “Drohmm textile” МЧЖ томонидан тайёрланган спорт кийимлари юз фоиз Россия ва Қозоғистон давлатларига экспорт қилинмоқда.

— Фабрикамизда 500 нафар ишчилар фаолият юритмоқда, — дейди корхона раҳбари Хуршидбек Аҳмедов. — Шулардан 130 нафарини «Темир дафтар» таркибига киритилган оилалар хотин-қизлари ташкил этади. Улар томонидан бир кунда 10 минг дона кийим-кечак тайёрланмоқда.

Маҳсулотга талаб ортгани сари ишлаб чиқаришга бўлган эҳтиёж ҳам ортмоқда. Шу боис тез  кунларда ишчилар сонини 1200 нафарга етказиш режалаштирилган. Шунда бир кунлик ишлаб чиқариш қуввати 30 минг донани ташкил этади. Бунинг учун Германия. Туркия ва Корея давлатларидан энг замонавий дастгоҳлар олиб келинди.

Саминжон ҲУСАНОВ,
«Халқ сўзи»