Фото: Kun.uz

Сирдарёда 18 ёшли икки йигит машина ўғирлаб, ҳуқуқни муҳофаза қилувчи орган ходимларига ҳужум қилди. Бу ҳақда Kun.uz хабар берди.

Маълумотларга кўра, ҳодиса 2 август куни содир бўлган. Самарқанд шаҳрида икки йигит бир автомашинага йўловчи сифатида ўтирган. Сўнгра Сирдарё вилояти ҳудудида ҳайдовчи машинадан тушган вақтда, улар автомобилни ўғирлаб қочишган. Изларни йўқотиш мақсадида улар машина рақамларини ечиб ташлаган.

03:15 да автомобиль ўғирлиги ҳақида хабар тушган ва шундан сўнг уларни қўлга олиш бўйича махсус операция бошланган.

Тошкент вилоятининг Бўка туманида йўл ҳаракати қоидаларини бузган ушбу шахсларни тўхтатишга уринаётган ИИБ ходими бўйни пичоқ билан жароҳатланган. Ундан сўнг йигитлар биринчи автомобилни ташлаб кетиб, ходимнинг хизмат автомашинаси — Matizʼни ўғирлаб қочишган.

Оҳангарон шаҳрида эса ЙПХ ходимининг тўхташ тўғрисидаги талабини инкор этган ҳолда, уни уриб кетишган.

Шундан сўнг гумонланувчилар ушланди. Улар Жиноят кодексининг 267-моддасига кўра, транспорт воситасини олиб қочиш 5 йилдан 20 йилгача озодликдан маҳрум қилиш билан жазоланади.