Швейцария Россияга қарши янги санкциялар жорий қилди
Иллюстратив фото
Европа Иттифоқи ортидан Швейцария Россияга қарши санкциялар рўйхатини кенгайтирди. Бу ҳақда Иқтисодий масалалар бўйича давлат котибияти маълум қилди.
Санкциялар рўйхатига 14 жисмоний ва 41 юридик шахс киритилган бўлиб, Россия билан алоқадор учинчи давлатларнинг 100 дан ортиқ денгиз кемалари фаолиятига ҳам чекловлар киритилган.
Россияга нисбатан янги чеклов чоралари 12 август, сешанба кунидан кучга кирди.
Шу йилнинг 18 июль куни Европа Иттифоқи давлатларининг доимий вакиллари Россияга қарши санкцияларнинг 18-пакети бўйича келишиб олганди.
Европа Иттифоқининг ташқи ишлар ва хавфсизлик сиёсати бўйича олий вакили Кая Калласнинг сўзларига кўра, чекловчи чоралар рўйхатига «Шимолий оқим» ва «Шимолий оқим 2» газ қувурларига чекловлар, шунингдек, Россия нефтига янги нарх чегарасини жорий этишни ўз ичига олган.
Тавсия этамиз
Кўп ўқилганлар
- Алишер Навоий – илм ва маъно эҳтиёжи манбаи
- Инвесторлар учун энг жозибадор ҳудуд ёхуд инвeстиция оқимидаги кескин тафовутнинг сабаб ва оқибатлари
- Илм-фан соҳасида хотин-қизларга яратилган имкониятларга бағишланган анжуман
- Ўзбекистонда инсон аъзоларини 3D биопринтерда чоп этиш имконияти яратилмоқда
- Бедилни халққа танитган хаттот
- Миллий нақшларда ўзлигимиз намоён
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг