Самарқандда хорижий мамлакатлар кино кунлари давом этмоқда

15:41 01 Октябр 2021 Маданият
956 0

Фото: Абдулазиз Йўлдошев / Халқ сўзи

Самарқанд шаҳридаги “Шарқ юлдузи” кинотеатрида “Ипак йўли дурдонаси” ХIII Тошкент халқаро кинофестивали доирасида хорижий мамлакатлар кино кунларининг очилиш маросими бўлиб ўтди.

Республикамиз ва хорижлик таниқли актёрлар, продюсер ва режиссёрлар ташриф буюрган кинофестиваль Беларусь киноижодкорларининг “Ўйинчи тақдири”, “Прантиш Вирвичнинг саргузаштлари”, “Қўпорувчи тақдири” фильмлари намойиши билан бошланди. Айниқса, режиссёр ва продюсер Дмитрий Астрахан томонидан суратга олинган “Қўпорувчи тақдири” фильми томошабинлар эътирофига сазовор бўлди.

Дмитрий Астраханнинг айтишича, немис босқинчиларига қарши курашган қаҳрамонлар тақдири фильмнинг асосий мазмунини ташкил этади. Фильмни суратга олишда архив маълумотларидан кенг фойдаланиб, қаҳрамонлар образи яратилган.

Тадбир доирасида “Нурафшон” маданият саройи ва “Family Park” савдо-кўнгилочар марказидаги кинотеатрда фестиваль қатнашчилари билан ижодий учрашувлар ўтказилди.

Самарқандда хорижий мамлакатлар кино кунлари давом этмоқда.

Абдулазиз Йўлдошев, “Халқ сўзи”.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер