Иллюстратив фото

«Россия Ҳарбий-денгиз флотини 2050 йилгача ривожлантириш стратегияси» тасдиқланди. Бу ҳақда «РИА Новости» хабар қилди.

Ҳужжат Россия президенти Владимир Путин томонидан 30 май куни тасдиқланган. Уни тайёрлаш бўйича қарор ўтган йилнинг июль ойида Кремлда бўлиб ўтган йиғилишда қабул қилинган эди. Стратегия Мудофаа вазирлиги томонидан лойиҳа шаклида тайёрланган ва Россия Денгиз коллегияси томонидан федерал идоралар ҳамда ташкилотларнинг таклифларини инобатга олган ҳолда қайта кўриб чиқилган.

«Тафсилотларни очиқламасдан шуни айтишим мумкинки, бундай стратегик режалаштириш ҳужжати замонавий тарихда биринчи марта қабул қилинди. Россиянинг дунёдаги энг йирик денгиз кучларидан бири сифатидаги мавқейи аста-секин тикланмоқда», деди президент ёрдамчиси Николай Патрушев.

Стратегияда глобал ҳарбий-сиёсий вазият таҳлили, қуролли тўқнашувлар юзага келиш эҳтимоли ва уларнинг характери, етакчи денгиз давлатларининг ҳарбий салоҳияти ҳамда Россия Ҳарбий-денгиз флотининг ҳозирги ҳолати баҳоланган.

Маълумот учун, АҚШ Мудофаа вазирлиги 2021 йилда берган ҳисоботида Хитой дунёдаги энг катта денгиз флотига эга эканлиги маълум қилинган.