«Реал Мадрид» Ла Лигадаги бешинчи ўйинда ҳам ғалаба қозонди
Кеча, 20 сентябрь куни Испания Ла Лигасининг 5-туридан ўрин олган баҳслар бошланди. Кун доирасидан ўрин олган учрашувда «Реал Мадрид» клуби ўз майдонида «Эспаньол»ни қабул қилди.
Учрашув «қаймоқранглилар»нинг 2:0 ҳисобидаги ғалабаси билан якунланди. Ўйинда ҳисоб 22-дақиқада Эдер Милитао томонидан очилди.
Иккинчи бўлимнинг бошида «қироллик клуби»нинг француз ҳужумчиси Киллиан Мбаппе орадаги фарқни 2 тага етказиб қўйди. Таъкидлаш керакки, бу Мбаппининг «Реал Мадрид» таркибида қаторсига учинчи ўйинда гол киритиши бўлди. Ўйин айнан шу ҳисоб билан якунланди.
«Sofascore» таҳлилий портали ўйиндан сўнг, «Реал Мадрид» ҳимоячиси Эдер Милитаони «учрашув қаҳрамони» деб топди. Унинг ҳаракатлари портал томонидан 9 баллга баҳоланди.
Шу тариқа Ла Лигада қаторсига бешинчи ўйинни ҳам ғалаба билан якунлаган Хаби Алонсо жамоаси 15 очко жамғарган ҳолда, турнир жадвалида яққол «карвонбоши» бўлиб турибди.
Маълумот учун, «Реал Мадрид» клуби кейинги ўйинини 24 сентябрь санасида ўтказади. Ўша куни жамоа Валенсия шаҳрида «Леванте» клуби меҳмони бўлади.
Тавсия этамиз
Кўп ўқилганлар
- 21 октябрь – Ўзбек тили байрами куни
- Ўз халқини Сиз каби чин дилдан севадиган давлат раҳбарини учратмадим – «ACWA Power» компанияси бошқаруви раиси Муҳаммад Абунайян
- Ўзбекистон тасвирий санъат галереясида Самарқанд мактабининг янги нафаси
- Ўзбекистоннинг янги траекторияси: Асосий хорижий трансферлар харитаси
- Рўзиқул Бердиевнинг матбуот анжуманидаги фикрлари юзасидан суриштирув ўтказилади
- Ўзбекистонда Касбий таълим агентлиги ташкил этилади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг