Қор (фотогалерея)

Фото: Ҳасан Пайдоев, "Халқ сўзи".

Қор ёғмоқда...

Қор ёғарди ўша куни ҳам.

Ғалвиридан фақат қувонч эларди фалак.

Қор капалак ўпар эди, чеҳрангдан,

Оппоқ нурли парчалардек соф эдинг юрак.

Худди юлдуз томчисидек қорларга боқиб,

Бахтимиз ҳам шундай тиниқ, оқмикан дердим.

Қор рақсига кетганингда қўшилиб, оқиб,

Шамоллайсан, деб ўзимча ғамингни ердим.

Бу кун сенинг бахтинг учун қайғурмоқда ким?

Кимлар билан боқмоқдасан оппоқ “қуш“ларга?

Ё беғубор шўхликлар-у эркаликларинг,

Айландими ёшликдаги ширин тушларга?

Қор ёғмоқда...

Бўянмоқда ҳар ён оқ рангга,

Тарновдаги сумалак ҳам кийган оқ чопон.

Сенга қандай: мен борлиқни оқ кафандаги —

Севгимизга қиёслагим келмоқда бу он.