Наманган халқаро аэропортида қалин туман туфайли кўринишнинг пасайиб кетиши (50 м) рейсларни қабул қилиш ва жўнатишини чеклаб қўйди. Шу сабабли, иккита рейс муқобил аэродромларга жўнатилди.

Хусусан, ноқулай об-ҳаво шароити туфайли «Узбекистан Аирwайс» авиакомпаниясининг Уфа-Наманган йўналиши бўйича ҲЙ9958 рейси маҳаллий вақт билан соат 07:15 да Тошкент аэропортига қўнди. Шунингдек, Jazeera Airways авиакомпаниясининг J9645 рейси (Қувайт — Наманган) ҳам пойтахт аэропортига йўналтирилди.

Кўринишнинг пастлиги Red Wings WЗ1127 (Екатеринбург-Наманган) рейси кутиш зонасига юборилишига сабаб бўлди. Самолёт маҳаллий вақт билан соат 07:30 да белгиланган аэропортга қўниши керак эди.

«Uzbekistan Airways» авиакомпаниясининг HY9825 (Наманган-Сочи) ва HY9823 (Наманган-Уфа), шунингдек, Flydubai FЗ781 (Дубай-Наманган) рейслари Наманган халқаро аэропортида об-ҳаво яхшилангунига қадар кечиктирилди.