Путин Курск ҳужуми ҳақида гапирди

Украинанинг Курск ҳужуми Донбасс юришини секинлаштирмади. Киевнинг ушбу ҳаракати акс таъсир кўрсатиб, Москвага Украина шарқидаги юришини тезлаштиришга имкон берган. Бу гапларни Путин Владивостокдаги Шарқий иқтисодий форумида сўзлаган нутқида айтмоқда. Шунингдек, у Донбассни қўлга олиш Москванинг 2022 йилда бошланган кенг кўламли урушида асосий мақсади эканлиги ва Украинанинг Россия чегара минтақаларига қарши ҳаракати фронтнинг қолган қисмида ўз кучларини заифлаштирганини маълум қилган. «Душманнинг мақсади бизни хавотирга солиш эди. Айниқса Донбассда бизнинг ҳужумимизни тўхтатиш бўлган. Бу режа иш бердими? Йўқ», — деган Путин.

Курск ҳужуми 6 август куни иккинчи жаҳон урушидан бери Россия суверен ҳудудига қилинган энг йирик ҳужумда минглаб украиналик аскарлар Россия чегараси орқали дронлар, оғир қуроллар ва артиллерия гуруҳлари билан ҳужум қилган. Украина Президенти Владимир Зеленский Курск ҳужуми урушни Россияга кўчириш, Путинни тинчликка мажбурлаш ва Россиянинг қўшни Суми минтақасига ҳужумларини олдини олиш учун буфер зонасини яратишга уриниш эканлигини айтди.

Украинанинг юқори қўмондони генерал Александр Сырскийнинг айтишича, Курск ҳужумининг мақсадларидан бири Россия кучларини бошқа ҳудудлардан, биринчи навбатда Покровск ва Курахово яқинидаги Шарқий Украинадан чалғитиш эди. Путин ҳудуддан душманни чиқариш Россиянинг муқаддас бурчи эканлиги ва вазият барқарорлашаётганини айтган. Курскдаги ҳужумлар бошланган вақтда келишувни рад этган Россия раҳбари энди музокараларга тайёрлигини билдирмоқда. Унинг айтишича, жараён 2022 йилда Истанбул шаҳрида эришилган икки мамлакат музокарачилари ўртасида бекор қилинган битимга асосланиши керак. Путинга кўра, ўша йилги келишувдан Украина мамнун бўлганлиги фақат бундай қилмаслик буйруғи бўлганидан кейин келишув охирига етмаган. Чунки буни АҚШ, Европа элиталари ва баъзи Европа давлатлари Россиянинг стратегик мағлубиятига эришмоқчи эканлигини иддао қилган.

Украина йил охиригача дош бера олмаслиги мумкин

Украина Қуролли Кучлари ўта оғир вазиятда ва 2024 йил охиригача омон қолиши даргумон. Ушбу фикрларни АҚШ Марказий разведка бошқармаси собиқ таҳлилчиси Ларри Жонсон айтиб ўтди.

Шу ўринда унинг қўшимча қилишича, Украина Қуролли Кучлари фронтдаги вазиятни ўзгартириш имкониятига эга эмас.

Жонсоннинг айтишича, Украина армиясининг йўқотишлари ҳалокатли ва унинг имкониятлари барча йўналишларда Россия армиясидан пастроқ.

«Украина Қуролли Кучлари йил охиригача кураша олишига менинг ишончим комил эмас, чунки ҳамма нарса жуда тез содир бўлмоқда», дейди эксперт.

Аввалроқ, Ларри Жонсон Украина армиясида тажрибали жангчилар етишмаётганини айтганди. Унинг сўзларига кўра, ҳозир Украина Қурол Кучларига нима қилишни билмайдиган одамлар сафарбар қилиняпти.

Хитой Африкада таъсирини оширмоқда

Хитой раиси Си Сзиньпин Хитой-Африка ҳамкорлик форумида Африка учун камида 1 миллионта иш ўрни яратишга ваъда берди. Раис Африка мамлакатларига янги молиялаштириш дастурида 51 миллиард доллар ажратишни, шу жумладан, кредитлар ва турли хил ёрдам турларини тақдим этишини ва қитъа бўйлаб бир қанча инфратузилма лойиҳаларини қўллаб-қувватлашини айтди.

«Биз биргаликда йўллар, темир йўллар, мактаблар, касалхоналар, саноат марказлари ва махсус иқтисодий зоналарни қурдик. Ушбу лойиҳалар кўплаб одамларнинг ҳаёти ва тақдирини ўзгартирди», — деган Си. Шунингдек, у Хитой ва Африка халқи янги ҳамда катта ишларни амалга ошириши, Глобал Жанубни модернизация қилишга раҳбарлик қилиши мумкинлигини айтган.

Пекин Африкадаги таъсирини Ғарб давлатлари, шу жумладан, АҚШ билан тобора кучайиб бораётган иқтисодий ва дипломатик келишмовчиликлар шароитида кенгайтиришга интилмоқда. Хитой Африканинг энг йирик савдо ҳамкори бўлиб, қитъа экспортининг деярли тўртдан бир қисми бўлган минераллар, ёқилғи ва металлар ушбу давлат ҳисобига тўғри келади. Пекин 2006-2021 йиллар оралиғида Африка давлатларига 191 миллиард долларлик сармоя киритган ва қитъанинг энг йирик қарз берувчиси ҳисобланади.

Уч кунлик саммит арафасида Африка раҳбарлари инфратузилма, қишлоқ хўжалиги, тоғ-кон ва энергетика бўйича ҳамкорлик билан боғлиқ кўплаб битимларни эълон қилишди. Бошқа келишувлар қаторида Кения Президенти Уилям Руто пойтахт Найроби ва Момбаса ўртасидаги темир йўлни ва Шарқий Африка мамлакатининг ғарбидаги автомагистрални кенгайтириш бўйича ҳамкорлик қилиш режаларини эълон қилди.

Исроил Ғазони тарк этиши учун битта шарт бажарилиши керак

Исроил Бош вазири Бинямин Нетаняҳу Миср билан Ғазо ўртасидаги чегара йўлаги тўлиқ ёпилмаса, мамлакат Фаластинда доимий ўт очишни тўхтатишга рози бўлмаслигини билдирди. Бу ҳақда «Reuters» нашри хабар берди.

Яҳуд давлати бош вазирининг таъкидлашича, Исроил Миср ва Фаластин ўртасидаги Филаделфия йўлаги ҲАМАС томонидан қурол ва материаллар контрабандасида фойдаланилмаслигини гумон қилмоқда. Нетаняҳу Қуддусдаги матбуот анжумани чоғида «Бу содир бўлмагунча, биз шу ердамиз», деган.

Ғазо сектори жанубида жойлашган Филаделфия йўлаги жангларни тўхтатиш бўйича келишувга эришишда асосий тўсиқ сифатида кўрилаётгани аслида муаммонинг илдизи эмас. Нетаняҳу ҳудуддан чиқиб кетишни рад этиб, келгуси ҳужумларни режалаштиришда фойдаланиш учун назоратни олишга интилаётган бўлиши мумкин.

Нетаняҳу урушдан кейинги ҳар қандай келишув ҲАМАСнинг жисмоний тугаллаш билан якунланишини истайди. Тел-Авив муқобил вариантларга очиқлигини билдирмоқда, аммо ҳар қандай ташқи куч ҳудудни тўлиқ назорат қила олишига шубҳасини очиқлаган. Бош вазирнинг бундай позицияси баъзи Исроил расмийлари томонидан ҳам танқидга учради.

Танқидчиларнинг таъкидлашича, Исроил доимий бу ҳудудда бўлишни исташи ушбу муҳим савдо йўлагини бошқаришга интилиши билан боғлиқ. Бу ҳудуднинг назоратга ўтиши Исроилга Ғазодаги қочқинларга инсонпарварлик ёрдамларини ҳам тўсиб қўйиши мумкин.

Баъзи яҳудий сиёсатчилари Нетаняҳунинг ушбу позицияси можарони чўзиш ва исроиллик гаровга олинганларнинг хавфсизлигини хавф остига қўйишига ишонади. Бош вазирнинг фикрича эса, Филаделфия коридори ҲАМАСнинг кучларини қайта таъминлаш ва кучайтиришда асосий роль ўйнайди. Исроил келажак учун аниқ кафолатлар олмагунча, Нетаняҳу Исроил қўшинлари қолишини аниқ айтган.