Путин Ғарбнинг бўлинишидан хурсанд — Манфред Вебер
Европа халқ партияси раҳбари Манфред Вебер Украина ҳудудида Европа ҳарбийларини жойлаштириш ташаббуси билан чиқди. Унинг таъкидлашича, агар Европа тинчликпарварлик миссияси ҳақида жиддий мулоҳаза юритишни бошласа, Германия бу жараёндан четда қолмаслиги керак.
«Мен Украинада тинчлик ўрнатилиш жараёнида Европа байроғи остида хизмат қилаётган аскарларни кўришни истайман», — деди Манфред Вебер.
Сиёсатчи, шунингдек, Украинада тинчликни таъминлаш жараёнида фақат АҚШ ҳарбийларининг иштирок этишига таяниб қолишни танқид қилди. Унинг фикрича, агар Дональд Трамп тинчликни фақат ҳарбий куч орқали таъминлаш мумкин, деб ҳисобласа, бу етарли ва барқарор ечим эмас.
Шу билан бирга, Вебер Россия президенти Владимир Путиннинг тинчликка тайёр эмаслигини алоҳида қайд этди. «Путин Кремлда ўтириб, Ғарб давлатлари ўртасидаги баҳслар ва бўлинишдан мамнун», — дея таъкидлади у.
Эслатиб ўтамиз, Манфред Вебер раҳбарлик қилаётган Европа халқ партияси Европа парламентидаги энг йирик ва таъсирчан сиёсий куч ҳисобланади.
Тавсия этамиз
Кўп ўқилганлар
- Ўзбекистондаги Ислом цивилизацияси марказига кириш нархлари эълон қилинди
- Аёллар Осиё чемпионати мусобақасининг 3-тур ўйинлари давом эттирилди
- Трамп Эрондаги ҳарбий операция «деярли якунланганини» маълум қилди
- МИБ директорига янги ўринбосар тайинланди
- Тошкент – Самарқанд пуллик йўли қурилиши 2 миллиард доллардан зиёдга баҳоланмоқда
- Тошкентда туннель девори ўпирилиб тушди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг