Фото: Reuters

Собиқ федераль прокурор Ренато Мариотти Нью-Йоркда давом этаётган Дональд Трампнинг жиноий судида республикачилар партияси ҳар қандай ҳолатда ҳам муваффақиятсизликка учрашини билдирди.

Манбанинг ёзишича, Мариотти MSNBC телеканалига берган интервьюсида АҚШ собиқ президентининг жиноий ишини штат судидан федераль судга ўтказиш бўйича потенциал режаларни муҳокама қилинаётганини билдирган. Унинг таъкидлашича, июль ойида ҳукм чиқарилгунга қадар Трампнинг мавқейи ҳақидаги даъволар ўзгаришсиз қолади.

Ўтган ой Нью-Йорк судьялар ҳайъати Трампни Сторми Дениелсга пул тўлаш билан боғлиқ бизнес ёзувларини сохталаштиришда айблади. Айбловларни рад этиб, ишни «жодугар ови» деб атаган Трамп ҳукм устидан шикоят қилишни режалаштираётган эди.

Трамп АҚШ тарихидаги биринчи жиноий айбловлар билан айбдор, деб топилган собиқ президент «тамға»сини бекор қилишга уринишларига қарамай, Мариотти суд қарори қатъий эканини таъкидламоқда.

Хабарларга кўра, Трамп Вакиллар палатаси спикери Майк Жонсон билан гаплашиб, уни судланганликни бекор қилишга чақирган.

Аввалроқ, Дональд Трамп Нью-Йорк судида айбдор, деб топилгани ҳақида маълум қилгандик.