«Права» олиб беришни ваъда қилган автомактаб раҳбари қўлга тушди
Бухоро вилоятида ҳайдовчилик гувоҳномаси олиб беришни ваъда қилган автомактаб раҳбари ушланди. Бу ҳақида Иқтисодий жиноятларга қарши курашиш департаменти хабар берди.
Унда айтилишича, Бош прокуратура ҳузуридаги Департаментнинг Ғиждувон тумани бўлими томонидан терговга қадар текширув ўтказилган.
Аниқланишича, «М.А.» МЧЖ автомактаби раҳбари фуқаролар Д.Р. ва С.Р.нинг ишончига кириб, уларнинг фарзандларига «В, С.» тоифадаги ҳайдовчилик гувоҳномасини олиш учун ўқиганлиги тўғрисида имтиҳон варақаси ва гувоҳнома тайёрлаб беришни ваъда қилган.
Автомактаби раҳбари ушбу хизмати эвазига 16 миллион сўмни фирибгарлик йўли билан қўлга киритгани аниқланган. Шундан 6 миллион сўмининг қайтарилиши процессуал тартибда расмийлаштирилган.
Ҳозирда мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Тавсия этамиз
Кўп ўқилганлар
- Алишер Навоий – илм ва маъно эҳтиёжи манбаи
- Инвесторлар учун энг жозибадор ҳудуд ёхуд инвeстиция оқимидаги кескин тафовутнинг сабаб ва оқибатлари
- Илм-фан соҳасида хотин-қизларга яратилган имкониятларга бағишланган анжуман
- Ўзбекистонда инсон аъзоларини 3D биопринтерда чоп этиш имконияти яратилмоқда
- Бедилни халққа танитган хаттот
- Миллий нақшларда ўзлигимиз намоён
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг