Покистонлик тадбиркор Янги Наманганда парфюмерия маҳсулотлари ишлаб чиқаради
Фото: «Халқ сўзи»
Қудратилла НАЖМИДДИНОВ/«Халқ сўзи». Наманганнинг иқтисодий салоҳияти, бу ерда яратилган қулай тадбиркорлик муҳити билан яқиндан танишган покистонлик сармоядор Муҳаммад Сарвар Чаудхари вилоятда ўз бизнесини йўлга қўймоқда. У Янги Наманган туманида «Hero Brands» номи остида парфюмерия маҳсулотлари ишлаб чиқармоқчи.
– Қиймати 10 миллион АҚШ долларига тенг бўлган мазкур лойиҳа билан вилоятимизда парфюмерия саноатига асос солинмоқда, – дейди Янги Наманган тумани ҳокимининг инвестициялар ва савдо масалалари бўйича ўринбосари Маҳаммаджон Жамолиддинов. – Хорижий сармоядор минтақада гулчилик ривож топгани ва хом ашё масаласида катта имкониятни ҳисобга олиб, бу ишга қўл урганини айтди.
Тумандаги «Ёшлик» кичик саноат зонасидан хорижий корхона учун ер ажратиб берилди. Икки йил ичида ниҳоясига етказиладиган лойиҳага кўра, бу ерда 25-30 турда парфюмерия буюмлари ишлаб чиқарилади. Улар рўйхатида хушбўйлиги юқори бўлган қимматбаҳо атирлардан тортиб, кундалик гигиена ашёларигача бор. Маҳсулотнинг 80 фоиздан кўпроғи экспортга чиқарилади.
Тавсия этамиз
Кўп ўқилганлар
- Ўзбекистонда инсон аъзоларини 3D биопринтерда чоп этиш имконияти яратилмоқда
- Нодавлат суд-эксперти сифатида фаолият юритиш янада соддалаштирилади
- «Истанбул Башакшеҳир» меҳмондан ғалаба билан қайтди
- «E-ekspertiza» платформаси орқали электрон ҳужжатлар алмашинувини йўлга қўйиш тартиби тасдиқланди
- Украинанинг уч вилоятида портлашлар қайд этилди. Қурбонлар бор
- Котрина Кулбите — Литванинг «Энг яхши аёл мураббийи»
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг