Пеленинг онаси 101 ёшида вафот этди
Уч карра жаҳон чемпиони бразилиялик афсонавий футболчи Пеленинг онаси Селест Арантис 101 ёшида вафот этди. Бу бўйича расмий баёнотни Пеле фаолиятининг катта қисмини ўтказган “Сантос” футбол клуби эълон қилди.
“Бу 101 йиллик илҳомлантирувчи ҳаётий ҳикоя эди. Ўз оиласи учун ҳаётда чексиз қийинчиликларга дуч келган қора танли қироличанинг ҳикояси якунланди. Унга Сантос аҳолисининг меҳр, ҳайрат ва миннатдорлиги абадийдир”, дейилади клуб баёнотида.
Манбага кўра, Арантис 21 июнь куни Сантосда вафот этган. У бир ҳафтадан кўпроқ вақт давомида касалхонада бўлган.
Айтиш жоиз, асл исми Эдсон Арантис до Насименто бўлган Пеле уч марта (1958, 1962, 1970) жаҳон чемпионлигини қўлга киритган ягона футболчи ҳисобланади. У 2022 йил 29 декабрда 82 ёшида вафот этганди.
Тавсия этамиз
Кўп ўқилганлар
- Ўзбекистонда доимий аҳоли сони ҳар куни неча кишига ошяпти?
- Шаҳрам Ғиёсов тажрибали рақибини муддатдан олдин мағлуб этди
- Самарқанд яна бир нуфузли форумга мезбонлик қилади
- Яна бир бозор аукционга қўйилди
- Марказий банк шошилинч огоҳлантириш билан чиқди
- «Leapmotor» Ўзбекистонда ўтказилган автомобиль тести натижаларидан норозилигини билдирди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг