Пара сузиш: ҳамюртларимиз Мисрда 2 та олтин медални қўлга киритишди

12:27 29 Ноябрь 2022 Спорт
516 0

Айни кунларда Миср пойтахти Қоҳира шаҳрида пара сузиш бўйича Қоҳира очиқ чемпионати ўтказилмоқда.

Кеча эркаклар ўртасида S6 классида эркаклар ўртасида 50 метрга баттерфляй усулда сузиш баҳсларида ҳамюртимиз Сардор Бахтиёров 37.63 сония натижа билан маррага биринчи бўлиб етиб келди ва олтин медалга сазовор бўлди.

Таъкидлаш керакки, бу спортчимизнинг мусобақадаги иккинчи медали бўлди. У бундан олдин 100 метрга эркин усулда сузиш баҳсларида кумуш медални қўлга киритган эди.

Шунингдек, аёллар S6 классида 50 метрга баттерфляй усулда сузиш баҳсларида яна бир ҳамюртимиз Азизахон Каримова 1 дақиқа 23 сония натижа билан навбатдаги олтин медални делегасиямиз ҳисобига қўштириб қўйди.

Шу тариқа, терма жамоамизнинг Қоҳира очиқ чемпионатида қўлга киритган медаллари сони 3 тага етди - 1 та кумуш ва 2 та олтин!

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер