Фото: Жиззах вилояти ҳокимлиги

Аввалроқ Жиззах вилоятининг Пахтакор тумани ҳокими Асилбек Ашуров вилоятнинг Шароф Рашидов туманига ҳоким бўлгани ҳақида хабар берилган эди. Халқ депутатлари Пахтакор тумани Кенгашининг бугун, 22 август куни бўлиб ўтган навбатдан ташқари сессиясида Абдувоҳидов Ҳусан Бўлтакович мазкур туманга раҳбар этиб тайинланди. Бу ҳақда вилоят ҳокимлиги хабар берди.

Маълум қилинишича, вилоят ҳокими вазифасини бажарувчи Улуғбек Мустафоев иштирок этган сессия ишида ташкилий масала кўриб чиқилган.

Унда У.Мустафоев Пахтакор тумани ҳокими лавозимига тавсия этилган номзод — Абдувоҳидов Ҳусан Бўлтаковични депутатларга таништирган.

Шундан сўнг, вилоят ҳокимининг Абдувоҳидов Ҳусан Бўлтаковични Пахтакор тумани ҳокими вазифасини бажарувчиси этиб тайинлаш тўғрисидаги қарори депутатлар томонидан бир овоздан маъқулланган.

Ҳусан Абдувоҳидов янги лавозимга тайинлангунга қадар 2023 йилдан буён Бирлашган Миллатлар Ташкилотининг Озиқ-овқат ва қишлоқ хўжалиги ташкилотининг Ўзбекистондаги ваколатхонаси томонидан амалга оширилаётган лойиҳада молиявий масалалар бўйича маслаҳатчи бўлиб ишлаб келган.