Пахтачида кластерчилар минерал бойитилган ун ишлаб чиқаришмоқчи

17:54 14 Июль 2020 Иқтисодиёт
1184 0

«Мирзаев Шуҳрат Кенжаевич» ғаллачилик кластери банкдан 1 миллион 340 минг долларлик кредит олиб Туркиянинг “Emash Makina Sanay” co.LTD компаниясидан замонавий тегирмонлар келтирилди. Ушбу тегирмонлар туркиялик мутахассислар бошчилигида 60 кунда йиғиб фойдаланишга топширилиши режалаштирилган.

Ҳозирги кунда тарози ва кластернинг офиси қуриб битказилган.

Шижоатли фермер ва тадбиркор Шавкат Мирзаев раҳбарлигидаги мазкур кластернинг тегирмони ишга тушса 53 нафар фуқаро иш билан таъминланади. Улар бир кунда 120 тонна минерал бойитилган ун ишлаб чиқаришади.

Бундан ташқари, тадбиркор қандолатчилик цехи ва 1 гектар майдонда қулупнай етиштиришга ихтисослаштирилган иссиқхона қуриш ишларини ҳам бошлаб юборган.

Ушбу иссиқхона йил охиригача ишга тушиб, яна 10 нафар ёшлар иш билан таъминланади.

Абдулазиз Йўлдошев
(Халқ сўзи)

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?