Ўзбекистонлик спортчилар Италияда ўтказилаётган Милан-Кортина-2026 қишки Олимпия ўйинларидагини медалсиз якунлади. Мусобақада атлетларимиз тоғ чанғиси ва шорт-трек йўналишларида иштирок этди.

Тоғ чанғиси йўналишида баҳсларга киришган Медет Назаров слалом дастурининг иккинчи стартида финишга етиб кела олмади ва шу нуқтада ўз иштирокини тугатди. Шу билан унинг Милан-Кортина-2026 қишки Олимпия ўйинларидаги чиқиши ниҳоясига етди.

Тошкент вақти билан 19 февралга ўтар кечаси соат 00:15 да мусобақанинг шорт-трек йўналишида баҳсларга старт берилди. Унда Ўзбекистон шарафини Даниил Ейбог ҳимоя қилди.

Ҳамюртимиз 500 метр масофага кечган чорак финал баҳсида 5-бўлиб маррага келди. Афсуски, бу Ейбогга ярим финалга чиқиш учун камлик қилди ва у шу нуқтада қишки Олимпиада билан хайрлашди.

Маълумот учун, Ўзбекистон Қишки Олимпия ўйинларида ҳозирга қадар жами битта медални қўлга киритган. 1994 йилда Лина Черязова фристайл чанғи спорти бўйича олтин медалга сазовор бўлган. Бу натижа мамлакат спортчилари томонидан Қишки Олимпиада тарихида қўлга киритилган ягона медаль бўлиб қолмоқда.