Ўзбекистонга ноёб кўчма лаборатория олиб келинди

19:26 15 Октябр 2021 Жамият
239 0

Фото: ССВ Матбуот хизмати

Ўзбекистонга илк бор кўчма мобиль ПЗР лабораторияси олиб келинди. Бу ҳақда Соғлиқни сақлаш вазирлиги матбуот хизмати маълум қилди.

Германия халқаро ҳамкорлик жамияти ва OPASCA GmbH кўмагида юртимизга келтирилган ушбу кўчма мобиль ПЗР лаборатория бир суткада 1,5 минг кишида коронавирусга ПЗР текширувини амалга ошириш имконини беради.

Мазкур замонавий техника воситалари ёрдамида ПЗР тести натижаларини 1 соат муддатда олиш мумкин. Электр энергияси бўлмаган вазиятларда ҳам 6 соатгача хизмат кўрсата олади.

Маълумотларга кўра, мобиль ПЗР лабораторияси дастлабки фаолиятини Самарқанд вилоятининг чекка ва аҳоли сони кўп бўлган ҳудудларидан бошлаши кутилмоқда. Фуқаролар мазкур лабораторияда коронавирусга бепул тест топширадилар.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?