Ўзбекистон аҳолисининг 10 фоизини кексалар ташкил қилмоқда

18:10 06 Май 2021 Жамият
7207 0

Ўзбекистон аҳолисининг 10 фоизини кекса ёшлилар ташкил этади, шунингдек, 760 минг нафардан зиёд шахсда ногиронлик мавжуд.

Бу ҳақда АОКАда бўлиб ўтган Тиббий-ижтимоий хизматларни ривожлантириш агентлигининг матбуот анжуманида маълум қилинди.

Маълум қилинишича, ривожланган давлатлар аҳолиси таркибининг 25 фоизини кекса авлод вакиллари ташкил қилиб, бу кўрсаткичлар йил сайин ўсиш тенденциясига эга бўлмоқда.

Туғилиш кўрсаткичининг нисбатан баландлигига қарамай, бугунги кунда республика аҳолисининг 10 фоизини кекса авлод вакиллари ташкил қилмоқда.

Дунё аҳолисининг 15 фоизини ногиронлиги бўлган шахслар ташкил қилиб, бугунги кунда уларнинг сони 1 миллиард нафарга етди. Ўзбекистонда 760 минг нафардан зиёд ногиронлиги бўлган шахслар истиқомат қилиб, улар ижтимоий ҳимоя ва қўллаб қувватлаш, тиббий-ижтимоий реабилитация чоралари билан қамраб олинган.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер