Олимлар ҳис қилувчи қўл протези яратди
Иллюстратив фото
Буюк Британиянинг Бристол университети тадқиқотчилари томонидан қўл бармоқлари ўрнини босувчи ноёб протез яратилди.
3D-принтер ёрдамида ясалган мазкур қурилма юзаси сунъий тери билан қопланган. У инсон бармоқларига хос барча функцияларни бажаришга қодир. Қолаверса, ташқи таъсирлар, масалан, иссиқ ва совуқни, оғриқни ҳис қилиш қобилиятига эга.
Бунинг учун протез инсон бармоқлари учидаги турли нерв толалари сингари мияга сигналлар жўнатадаган махсус митти сенсорлар билан жиҳозланган.
Олимлар ҳақиқий тактил нейронлар фаолиятига жуда ўхшаш ушбу сунъий нерв сигналлари ҳосил қилинишини катта воқелик, деб ҳисобламоқда.
Қолаверса, тажрибалар давомида протез бармоқлар қопламаларини худди инсон териси билан бир хил кўринишда ясашга муваффақ бўлинди.
Мутахассислар фикрича, бу кашфиёт келажакда роботлар қўлларини яратишда ҳам фойдали бўлиши мумкин. Чунки мазкур протезлар кичик ва нозик деталлар билан ишлаш имконини беради.
Тавсия этамиз
Кўп ўқилганлар
- Ўзбекистон миллий терма жамоаси учун Жаҳон чемпионати қуръаси омадли ўтдими?
- “Матонатли Марям” фильми кенг жамоатчиликка тақдим этилди
- Ўзбекистон терма жамоасининг Жаҳон чемпионатидаги ўйин саналари эълон қилинди
- АҚШ Европадан НАТО мажбуриятларининг асосий қисмини ўз зиммасига олишни талаб қилди
- Reuters: Асаднинг Москвадаги тарафдорлари Сурияда қўзғолон режалаштирмоқда
- FIDE жаҳон кубоги чемпиони Жавоҳир Синдаровни кутиб олиш маросими бўлиб ўтди (+фоторепортаж)
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг