Ноқулай ҳаво сабаб «Uzbekistan Airways»нинг бир қатор рейслари муқобил аэродромга қўнишга мажбур бўлди. Бу ҳақида «Uzbekistan Airports» Telegram-каналида маълум қилинди.

Унда айтилишича, Қарши аэропортидаги ноқулай об-ҳаво шароити туфайли «Uzbekistan Airways» авиакомпаниясининг Москва — Қарши йўналишидаги HY9624 рейси экипажи Самарқанддаги муқобил аэродромга йўл олишга қарор қилган.

Шу каби яна бир ҳолат, Тошкент — Урганч йўналишидаги рейс билан ҳам кузатилган.

Унга кўра, Урганч аэропортидаги ноқулай об-ҳаво шароити туфайли «Uzbekistan Airways» авиакомпаниясининг Тошкент — Урганч йўналишидаги HY51 рейси экипажи Нукусдаги муқобил аэродромга йўл олишига тўғри келган.

Бундан ташқари, ноқулай об-ҳаво шароити туфайли қуйидаги рейслар ҳам муқобил аэродромларга йўналтирилган:

• «Fly Khiva» авиакомпаниясининг Мадинадан Қаршига учган 2U7623 рейси Самарқанддаги муқобил аэродромга йўналтирилди;
• «Centrum Air» авиакомпаниясининг Жиддадан Бухорога учган C63316 рейси Самарқанддаги муқобил аэродромга йўналтирилди;
• «Uzbekistan Airways» авиакомпаниясининг Қозондан Фарғонага учган HY9652 рейси Тошкентдаги муқобил аэродромга йўналтирилди;
• «Ural Airlines» авиакомпаниясининг Москвадан Қаршига учган U62457 рейси Самарқанддаги муқобил аэродромга йўналтирилди;
• «Fly One» авиакомпаниясининг Жиддадан Фарғонага учган 7Q2242 рейси Тошкентдаги муқобил аэродромга йўналтирилди.