Наманганда тупроқ аралаш шағал қаздириб олаётган ҳуқуқбузарга жарима белгиланди

16:16 11 Март 2024 Жамият
239 0

Наманган вилояти Экология бошқармаси Янги Наманган тумани бўлими ходимлари томонидан туманнинг "Ишонч" маҳалласи ҳудудида навбатдаги рейд тадбири ўтказилди. 

Тадбир давомида "Мадад транс сервис" МЧЖга тегишли ҳудудда ходим Қ. Й. ҳеч қандай рухсатсиз, "ҲЮНДАИ" русумли экскаватор ёрдамида тупроқ аралаш шағални қаздираётганлиги аниқланди.

Ҳолат юзасидан ҳуқуқбузарга нисбатан МЖтКнинг 70-моддаси 1-қисмига асосан маъмурий баённома расмийлаштирилди. Қ. Й. БҲМнинг 10 баробари — 3 миллион 400 минг сўм миқдорида жаримага тортилди.

Маълумот учун, Ўзбекистон Республикаси Президентининг “Сув ҳавзаларида норуда материалларини қазиб олишни тартибга солиш чора-тадбирлари тўғрисида”ги Фармонига кўра, норуда материалларини қазиб олишга муддатсиз мораторий ўрнатилади. Мораторий давридаги ҳуқуқбузарлик учун жарима миқдори 10 бараварга оширилади (айни дамда фуқароларга БҲМнинг 10-20 баравари, мансабдор шахсларга эса БҲМнинг 30-50 баравари). Шунингдек, ҳуқуқбузарликнинг бевосита ашёси ҳам мусодара қилинади.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?