Март ойида қандай об-ҳавога гувоҳ бўламиз?
Фото: Муҳсин Умурзоқов / «Халқ сўзи»
«Ўзгидромет» жорий йилнинг март ойи давомида кузатиладиган об-ҳаво прогнозларини эълон қилди. Унга кўра, ушбу ой бошида иқлим баҳорий беқарор бўлиши кутилмоқда.
Баҳорнинг биринчи кунида кўпчилик вилоятларда ҳаво ҳарорати 12-17 даража илиқ бўлган қуруқ об-ҳаво бўлади. 2 март куни Ўзбекистон ҳудудига жануби-ғарбдан нам ҳаво массалари кириб келиши бошланади. Республика бўйича ёмғир ёғади, тоғли ҳудудларда ёмғир ва қор кўринишидаги ёғингарчилик кузатилади.
Кейинчалик, ойнинг биринчи ўн кунлиги охиригача ёғингарчилик даврий бўлиб, текислик ҳудудларда танаффус билан ёмғир ёғади, ёғингарчилик тоғларда ёмғир ва қор кўринишида бўлади. Бу даврда ҳаво ҳарорати 10-15 даража илиқ атрофида бўлиши кутилмоқда (бу иқлим меъёрига мосдир), айрим кунларда 6-9 даража илиққача пасайиши мумкин.
Март ойининг иккинчи ва учинчи ўн кунликларида ҳарорат кечалари 3-8 даража илиқдан 8-13 даража илиққача, кундуз кунлари 12-17 даража илиқдан 23-28 даража илиққача ўзгариб туриши кутилмоқда. Ҳарорат пасайиши даврлари қисқа бўлади, исиш даврлари эса — давомий бўлади.
Тавсия этамиз
Кўп ўқилганлар
- «E-ekspertiza» платформаси орқали электрон ҳужжатлар алмашинувини йўлга қўйиш тартиби тасдиқланди
- Нодавлат суд-эксперти сифатида фаолият юритиш янада соддалаштирилади
- «Истанбул Башакшеҳир» меҳмондан ғалаба билан қайтди
- Украинанинг уч вилоятида портлашлар қайд этилди. Қурбонлар бор
- Бу йил Ўзбекистон Пролигасида 14 та жамоа иштирок этади
- Январь ойида юз нафардан ортиқ америкалик ўқиш учун Ўзбекистонга келди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг