Кунига 50 та баённома ёзиши айтилган ЙПХ ходимига нисбатан хизмат текшируви тайинланди
Ижтимоий тармоқда «Кунига 50 та баённома ёзадиган ГАИ» сарлавҳаси остида видео тарқалди. Ҳолат юзасидан ЙҲХББ изоҳ берди.
Қайд этилишича, 2021 йил 16 июнь куни ижтимоий тармоқда «Кунига 50 та баённома ёзадиган ГАИ» сарлавҳаси остидаги видео лавҳа тарқалди.
Видео лавҳа ўрганилганда, 2021 йил 14 июнь куни Тошкент вилояти, Ангрен шаҳар ИИБ ЙҲХБ ЙПХ ходими Ш.С. Ангрен шаҳар, Ибн Сино кўчасида Lada Largus русумли автомобиль ҳайдовчисини хавфсизлик камаридан фойдаланмагани боис тўхтатган ва унга нисбатан маъмурий баённома расмийлаштирган.
Видео лавҳада ҳайдовчининг талабига кўра, ЙПХ ходими томонидан кўрсатилган дислокация кўчирмасининг муддати 2020 йил қилиб белгилангани айтилган.
Шунингдек, ҳайдовчи телефонда мулоқот қилган бўлим бошлиғи С.А. ЙПХ ходими хавфсизлик камари бўйича кунига 50 та баённома ёзиши кераклигини таъкидлаган.
Мазкур ҳолатлар юзасидан Тошкент вилояти ИИББ ЙҲХБ масъуллари томонидан хизмат текшируви ўтказилмоқда.
Тавсия этамиз
Кўп ўқилганлар
- “Башакшеҳир” Туркиянинг гранд клуби билан дуранг ўйнади
- Саккизта гол урилган ўйинда “Барселона” ғалаба қозонди
- Ўзбекистонда нақд пулга уй-жой ва машина олди-сотдиси бекор қилинади
- Соғлиқни сақлаш вазирлиги «Электрон рецепт» тизими бўйича расмий баёнот берди
- “Реал Мадрид” аламли тарзда мағлубиятга учради
- Миллий терма жамоанинг ЖЧдаги ўйинлари қачон ва қаерда ўтиши маълум бўлди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг