Конституциявий қонун лойиҳаси 25 июнь кунидан «Халқ сўзи» ва «Народное слово» газеталарида умумхалқ муҳокамасига қўйилади

16:17 24 Июнь 2022 Сиёсат
2859 0

Фото: Халқ сўзи

Ўзбекистон Республикаси «Қонун лойиҳаларининг умумхалқ муҳокамаси тўғрисида»ги Қонунининг 12-моддасига мувофиқ «Ўзбекистон Республикасининг Конституциясига ўзгартиш ва қўшимчалар киритиш тўғрисида»ги Ўзбекистон Республикасининг Конституциявий қонуни лойиҳаси умумхалқ муҳокамасига қўйилмоқда.

Мазкур Қонуннинг 11-моддасида қонун лойиҳаларининг умумхалқ муҳокамаси жараёнида фуқаролар қонун лойиҳалари бўйича ўз фикрини эркин билдириш ҳуқуқига эга эканлиги белгиланган.

Шундан келиб чиқиб, Конституциявий қонун лойиҳаси умумхалқ муҳокамаси учун 25 июнь куни «Халқ сўзи» ва «Народное слово» газеталарида ҳамда Meningkonstitutsiyam.uz электрон платформасида эълон қилинади.

Конституциявий қонун лойиҳаси юзасидан фикр-мулоҳаза ҳамда таклифларингизни Meningkonstitutsiyam.uz электрон платформаси, 1341 қисқа рақами, taklif@meningkonstitutsiyam.uz ва taklif@2022.uz электрон почта манзиллари орқали ҳамда Олий Мажлис Қонунчилик палатасига Тошкент шаҳри, Бунёдкор шоҳ кўчаси, 1-уй манзили бўйича юборишингиз ёки бевосита келган ҳолда тақдим этишингиз мумкин.

Мазкур жараёнда фаол иштирок этишга чақирамиз.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?

Кўп ўқилганлар

Янгиликлар тақвими

Кластер