Конор Макгрегор Ирландия президенти лавозимига ўз номзодини илгари сурмоқда
UFCʼнинг икки вазн тоифасидаги чемпиони Конор Макгрегор келаётган октябрь ойида бўлиб ўтадиган Ирландия президентлиги сайловларида ўз номзодини кўрсатиш ниятида эканини маълум қилди. Бу ҳақда у Instagramʼdagi саҳифасида пост қолдирди.
«Агар менинг исмим президентлик сайловлари бюллетенида кўринишини истасангиз, маҳаллий кенгаш аъзоларига мурожаат қилиб, номзодимни кўрсатишларини сўрашингизни қатъий тавсия қиламан», — деди Макгрегор.
Аввалроқ ирландиялик спортчи ўзининг сайловларда иштирокини «таъминлаб бўлганини» айтган эди. Бироқ унинг фамилияси маҳаллий кенгашлардан қўллаб-қувватлаш излаётган номзодлар рўйхатидан ўрин олмаган.
Маълумот учун, бюллетенга кириш учун Конор Макгрегор камида 20 нафар парламент аъзоси ёки тўртта маҳаллий/туман кенгашининг қўллаб-қувватлашига эга бўлиши лозим.
Тавсия этамиз
Кўп ўқилганлар
- «Бунёдкор» мураббийи Сергей Арсланов вафот этди
- Ўзбекистонда доллар курси пастлади
- Қондаги глюкозани пасайтириш учун кечки овқатланишнинг идеал вақти маълум бўлди
- Сардобанинг сири нимада?
- Камчатка соҳилларидаги кучли зилзиладан сўнг Ўзбекистон Консуллиги ватандошларимизга мурожаат қилди
- Бухоролик докторант ниманинг эвазига Президент совғаси – автомобилга эга бўлди?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг