Какао нархи рекорд даражада ошди

14:59 20 Декабрь 2024 Дунё
152 0

Унинг бир тоннаси нархи 12 000 доллардан ҳам ошиб кетган. Бунга сабаб энг йирик ишлаб чиқарувчи Кот-дъИвуардаги қурғоқчилик ва бунинг оқибатларидан хавотир бўлган. Бу ҳақида “Bloomberg“ нашри хабар берди.

18 декабрь куни Нью-Йорк товар биржасининг савдоларида какао ловияси учун фьючерслар 3,9% га ошди ва тарихда биринчи марта тоннаси учун 12,2 минг долларга етди. Кейинчалик ўсиш секинлашди ва нарх бироз пасайди.

Ўсишнинг асосий сабаби Кот-дъИвуарда ҳосилнинг пасайиши кутилаётгани айтилади. Дунёда хомашё ишлаб чиқаришнинг учдан бир қисмидан кўпроғи Африка мамлакатига тўғри келади.

Таҳлилчиларнинг прогнозларига кўра, 2024−2025 йиллар мавсумида ишлаб чиқариш ҳажми 1,9 млн тоннани ташкил этади. Бу расмий ҳисоб-китобларга нисбатан 10% га камроқ.

Мутахассисларнинг фикрича, келгуси йилда какао нархи юқорилигича қолади. Ғарбий Африкада об-ҳаво беқарорлигича қолмоқда, бу яна ҳосилга таъсир қилиши мумкин.

Тавсия этамиз

Изоҳлар

Ҳозирча ҳеч ким фикр билдирмаган. Балки Сиз биринчилардан бўларсиз?