«Истанбул Башакшеҳир» жамоасига янги бош мураббий тайинланди
Ўзбекистонлик футболчилар Элдор Шомуродов ва Аббосбек Файзуллаев тўп сураётган Туркиянинг «Истанбул Башакшеҳир» клубига янги бош мураббий тайинланди. Бу ҳақда клуб ўзининг расмий сайтида хабар берди.
Маълум қилинишича, эндиликда жамоани таниқли турк мутахассиси Нури Шаҳин бошқаради. Томонлар барча шартларни келишиб олган.
Нури Шаҳин футболчи сифатида «Фейеноорд», «Ливерпуль», «Боруссия Дортмунд» ва «Реал Мадрид» каби жамоаларда ўйнаган. У 2021 йилда футболчилик фаолиятини якунлаган.
Айнан шу йилдан Шаҳин «Анталияспор» клубида бош мураббий сифатида иш бошлаган. Сўнгги 2 йилда мутахассис Германиянинг дунёга машҳур «Боруссия Дортмунд» жамоасини бошқарди. Унинг бошқарувида «дортмундликлар» 27 та ўйин ўтказиб, ушбу баҳслардан 12 тасида ғалаба қозонишга муваффақ бўлди.
Маълумот учун, «Истанбул Башакшеҳир» клубини шу вақтга қадар бошқа бир маҳаллий мутахассис — Чағдаш Атан бошқариб келган.
Тавсия этамиз
Кўп ўқилганлар
- «Бунёдкор» мураббийи Сергей Арсланов вафот этди
- Ўзбекистонда доллар курси пастлади
- Қондаги глюкозани пасайтириш учун кечки овқатланишнинг идеал вақти маълум бўлди
- Сардобанинг сири нимада?
- Камчатка соҳилларидаги кучли зилзиладан сўнг Ўзбекистон Консуллиги ватандошларимизга мурожаат қилди
- Бухоролик докторант ниманинг эвазига Президент совғаси – автомобилга эга бўлди?
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг