Исландияда иккинчи аёл президент сайланди
Тадбиркор ва инвестор аёл Ҳаллa Томасдоттир Исландиядаги президентлик сайловларида 34.6 фоиз овоз йиғиб, Скандинавия мамлакатининг иккинчи аёл президенти бўлди. Бу ҳақда мамлакат миллий телерадио хизмати хабар берган.
Томасдоттир Буюк Британия бизнес магнати Ричард Бренсон томонидан асос солинган "The B Team" компаниясининг бош ижрочи директори ҳисобланади.
Янги президент ижтимоий тармоқларнинг ёшлар руҳий саломатлигига таъсири, Исландиянинг сайёҳлик маскани сифатида ривожланиши ва сунъий интеллектнинг роли каби фундаментал масалалар бўйича сайловолди ташвиқотини олиб борди. Шундай қилиб, мамлакатнинг иккинчи аёл раҳбари 1 август куни лавозимига киришади.
Вигдис Финнбогадоттир 1980 йилда Исландия давлатининг биринчи аёл президенти бўлган эди. Шунингдек, сўнгги йилларда икки нафар аёл бош вазир лавозими эгаллаб, сиёсий нотинч йиллар давомида барқарорликни таъминлаган.
Маълумот учун, 380 минг аҳолиси бўлган ушбу мамлакатда 1500 та имзо тўплаган ҳар қандай фуқаро сайловда қатнашиши мумкин.
Тавсия этамиз
Кўп ўқилганлар
- Нодавлат суд-эксперти сифатида фаолият юритиш янада соддалаштирилади
- «Истанбул Башакшеҳир» меҳмондан ғалаба билан қайтди
- «E-ekspertiza» платформаси орқали электрон ҳужжатлар алмашинувини йўлга қўйиш тартиби тасдиқланди
- Украинанинг уч вилоятида портлашлар қайд этилди. Қурбонлар бор
- Бу йил Ўзбекистон Пролигасида 14 та жамоа иштирок этади
- Шавкат Мирзиёев Вашингтон шаҳрида Тинчлик кенгашининг дастлабки йиғилишида иштирок этди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг