2024 йил давомида Агентликка жисмоний ва юридик шахслардан жами 635 та мурожаат келиб тушди. Уларнинг 201 таси Президент виртуал қабулхонаси орқали, 434 таси эса тўғридан-тўғри ёки бошқа идора ва ташкилотлар орқали юборилган.

Мурожаатларнинг 408 таси жисмоний шахслар, 26 таси юридик шахслар томонидан юборилган. Шунингдек, 26 та ёзма, 234 та оғзаки ва 174 та электрон мурожаат қабул қилинган.

Ҳудудлар кесимида таҳлил этилганда, 221 та мурожаат Тошкент шаҳридан, 414 таси Қорақалпоғистон Республикаси ва вилоятлардан юборилгани аниқланди.

Агентлик келиб тушган мурожаатларнинг 502 тасини (80,1%) қаноатлантирган, 112 таси бўйича тушунтириш берилган, 15 таси тааллуқлилиги бўйича бошқа идора ва ташкилотларга юборилган, 6 та мурожаат эса қонунчиликка мувофиқ кўриб чиқиш тугатилган.

Мурожаатлар мазмунан таҳлил қилинганда:

233 та мурожаат олий таълимдан кейинги таълим жараёнларига оид,

136 та мурожаат давлат илмий дастурлари доирасидаги танловларга тааллуқли,

73 та мурожаат стартап танловлари бўйича бўлган.

Қолган мурожаатлар лойиҳа топшириш, ихтиро ва инновацияларни амалиётга жорий этиш, илмий стажировкаларда иштирок этиш каби масалаларга оид.

Агентликнинг Ишонч телефонига 2500 дан ортиқ мурожаат келиб тушган бўлиб, 15 таси назоратга олинган, 2485 тасига ҳуқуқий тушунтириш берилган. Шунингдек, агентликнинг расмий веб-сайти орқали 299 нафар фуқарога онлайн консултация хизмати кўрсатилган.

2024 йилда агентлик раҳбарияти томонидан Бухоро, Самарқанд вилоятлари ва Қорақалпоғистон Республикасида 3 та сайёр қабул ўтказилган. Уларда 54 та мурожаат келиб тушиб, 44 таси қаноатлантирилган, 10 таси бўйича тушунтиришлар берилган.

Агентлик фуқароларнинг мурожаатларига тезкор жавоб бериш, уларни қонуний тарзда ҳал этиш ва илмий ҳамжамият вакиллари билан доимий мулоқотни йўлга қўйиш борасида ишларни давом эттирмоқда.