Фарғонада «Nexia-1» уч нафар мактаб ўқувчисини уриб кетди
Фото: Фарғона ЙҲХБ
Фарғона вилояти Марғилон шаҳрида «Nexia-1» уч нафар мактаб ўқувчисини уриб юборди. Бу ҳақда вилоят Йўл ҳаракати хавфсизлиги бошқармаси хабар берди.
Маълум қилинишича, воқеа бугун, 16 октябрь куни соат 12:30 ларда Марғилон шаҳар «Б.Марғилоний» кўчасида жойлашган 33-сонли умумтаълим мактаби қаршисида юз берган. Уч нафар ўқувчи ушбу кўчадаги тартибга солинмаган пиёдалар ўтиш жойидан йўлни кесиб ўтаётган вақтида 27 ёшли ҳайдовчи «Nexia-1» русумли транспорт воситасида уларни уриб кетган.
Дастлабки маълумотларга кўра, йўл-транспорт ҳодисаси оқибатида 1 нафар ўқувчи даволаниш учун шифохонага юборилган, 2 нафарига эса биринчи тиббий ёрдам кўрсатилган.
Билдирилишича, ҳозирда ушбу ҳолат юзасидан Марғилон шаҳар ИИБ тергов бўлими томонидан терговга қадар текширув ҳаракатлари олиб борилмоқда.
Тавсия этамиз
Кўп ўқилганлар
- Супер ой: Бугун Ернинг табиий йўлдоши одатдагидан анча катта кўринмоқда
- Аҳоли ва қишлоқ хўжалигини рўйхатга олишга тайёргарлик кўриш ва уни ўтказиш тартиби белгиланди
- Самарқандда ЮНЕСКОнинг 43-сессиясига тайёргарлик авжида
- Марказий Осиё педагоглари Нукусда жам бўлди
- Ҳудудларда 34 та юқори технологияли саноат лойиҳалари амалга оширилади
- Эндиликда муддати ўтган товарларнинг сотилиши автоматик равишда чекланади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг