Фарғонада фуқаро сув таъминоти ходимини уриб жағини синдирди
Фото: Видеодан кадр
Ижтимоий тармоқларда сув таъминоти ходими ва фуқаро ўртасида жанжал юзага келгани тасвирланган видеолар тарқалди. Мазкур ҳолат юзасидан «Фарғона сув таъминоти» АЖ ахборот хизмати маълумот берди.
Билдирилишича, воқеа Фарғона вилояти Марғилон шаҳри Сармазор МФЙ ҳудудида содир бўлган. Ушбу маҳалладаги хонадонлардан бирида яшовчи фуқаронинг истеъмол этилган ичимлик сувидан 1,7 млн сўм миқдорида қарздорлиги мавжудлиги аниқланган.
Мавжуд қарздорликни ундириш мақсадида «Фарғона сув таъминоти» АЖ Марғилон шаҳар бўлими аҳоли назоратчиси Х.А. истеъмолчи хонадонига борган. Мулоқот жараёнида юзага келган жанжал оқибатида назоратчи Х.А.нинг пастки жағ қисми синиб, унга оғир тан-жароҳати етказилган.
Мазкур ҳолат юзасидан ҳуқуқни муҳофаза қилиш органлари томонидан терговга қадар суриштирув ишлари олиб борилмоқда.
Тавсия этамиз
Кўп ўқилганлар
- 21 октябрь – Ўзбек тили байрами куни
- Самарқандда ЮНЕСКОнинг 43-сессиясига тайёргарлик авжида
- Аҳоли ва қишлоқ хўжалигини рўйхатга олишга тайёргарлик кўриш ва уни ўтказиш тартиби белгиланди
- Ҳудудларда 34 та юқори технологияли саноат лойиҳалари амалга оширилади
- Эндиликда муддати ўтган товарларнинг сотилиши автоматик равишда чекланади
- Хорижий тилларни ўрганмоқчи бўлган ёшларга «2+6» дастурига мувофиқ субсидия ажратилади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг