Эртадан Тошкент метросининг икки бекати оралиғидаги ҳаракат вақтинча тўхтатилади
Тошкент метрополитенининг «Қурувчилар» ва «Қипчоқ» бекатлари оралиғидаги метро ҳаракати 8 июнь кунидан вақтинча тўхтатилади. Бу ҳақида «Тошшаҳартрансхизмат» АЖ ахборот хизмати хабар берди.
Унда айтилишича, Тошкент метрополитенининг ер усти ҳалқа йўналишида профилактика ишлари олиб борилиши туфайли, «Қурувчилар» ва «Қипчоқ» бекатлари оралиғидаги метро ҳаракати шу йилнинг 8 июнь кунидан бошлаб вақтинча муддатга тўхтатилади.
Шунингдек, йўловчилар ташиш узлуксизлигини таъминлаш мақсадида, ушбу оралиқда 1м-сонли автобус йўналиши ташкил этилади. Йўналиш фаолияти соат 5:00 дан 23:00 гача белгиланган бўлиб, ушбу автобус йўловчиларга бепул хизмат кўрсатади.
«Йўналишда 5 та «King Long» русумли автобуслар 6 дақиқалик интервал билан ҳаракатланади. Йўловчиларни автобусларга чиқиш ва тушириш фақат метро станцияларида амалга оширилади», — дейилади хабарда.
Тавсия этамиз
Кўп ўқилганлар
- Иш ҳақи, пенсия, нафақа ва стипендиялар миқдори 10 фоизга оширилади
- Эрон ва Исроил ўртасидаги зиддиятлар хронологияси ёхуд бугунги «уруш»нинг илдизи қаерда?
- Олимлар Альцгеймер касаллигидан ҳимоя қилувчи парҳез ҳақида маълумот беришди
- Доллар курси ошишда давом этмоқда
- Паркентда йилига 20 минг сайёҳни қабул қиладиган туристик мажмуа очилмоқда
- Ўзгаришларни сўз билан уйғотган журналист
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг