Эрон қўшинлари жанговар ҳолатга келтирилди
Эрон олий раҳнамоси Оятуллоҳ Али Хоманаий АҚШ президенти Доналд Трампнинг бомбардимон қилиш ҳақидаги баёнотидан кейин мамлакат армиясини жанговар шай ҳолатга келтирди. Бу ҳақда «Reuters» агентлиги хабар қилди.
Унга кўра, Эрон Ироқ, Кувайт, БАА, Қатар, Туркия ва Баҳрайнга АҚШнинг Эронга ҳужумини қўллаб-қувватлаш, жумладан, америкалик ҳарбийлар томонидан ушбу мамлакатлар ҳудудидан фойдаланиш «душманлик ҳаракати» сифатида баҳоланиши ҳақида хабар юборган.
Агентликнинг таъкидлашича, Эрон тарафдори ҳисобланган Суриядаги Башар Ал-Ассад ҳукуматининг қулаши туфайли вазият янада мураккаблашган. Шунингдек, АҚШ Теҳроннинг иттифоқчилари деб ҳисоблаган ҲАМАС, Ҳизбуллоҳ ва Яман ҳусийларига қарши фаол ҳаракатлар Эронда турли хавотирлар уйғотди.
Таъкидлаш жоиз, март ойида АҚШ президенти Эрон олий раҳнамосига икки ой ичида янги ядровий битим тузиш шартини қўйган эди. Теҳрон Вашингтон билан ҳамкорлик қилишдан бош тортса, Америка даҳшатли бомбардимонларни «ваъда қилганди».
Тавсия этамиз
Кўп ўқилганлар
- Иш ҳақи, пенсия, нафақа ва стипендиялар миқдори 10 фоизга оширилади
- Эрон ва Исроил ўртасидаги зиддиятлар хронологияси ёхуд бугунги «уруш»нинг илдизи қаерда?
- Олимлар Альцгеймер касаллигидан ҳимоя қилувчи парҳез ҳақида маълумот беришди
- Доллар курси ошишда давом этмоқда
- Паркентда йилига 20 минг сайёҳни қабул қиладиган туристик мажмуа очилмоқда
- Ўзгаришларни сўз билан уйғотган журналист
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг