Фото: AP

АҚШ Эроннинг ядровий иншоотларига берган зарбаларига қатъий жавоб олади. Бу фикрларни Эрон телерадиокомпанияси томонидан эфирга узатилган Ислом Республикаси армияси бош қўмондони, генерал-лейтенант Амир Хотамий маълум қилди.

Унинг таъкидлашича, Эрон тарихи давомида дунё “АҚШ томонидан содир этилган жиноятларга” гувоҳ бўлган. Америкаликлар ҳар сафар ўз “жиноятлари”га қатъий жавоб олган ва бу сафар ҳам шундай бўлади.

Шу йилнинг 22 июнга ўтар кечаси АҚШ президенти Дональд Трамп АҚШ ҳарбий-ҳаво кучлари Эроннинг учта ядровий объектига ҳужум қилганини маълум қилди. Асосий мақсад Фордодаги уранни бойитиш заводи эди. Унинг центрифугалари жойлашган зали юз метрли қоя ва темир-бетон қатлами билан қопланган, бу эса уни бомбардимон қилишдан деярли ҳимоясиз қилган.

Объектга фақат АҚШнинг «GBU-57» бункер бомбалари тушиши мумкин эди. ОАВ хабарларига кўра, «B-2A Spirit» бомбардимончи самолётлари Фордога шундай бомбаларни ташлаган. Бундан ташқари, сув ости кемалари Исфахон ва Натанздаги ядровий объектларга «Томагавк» қанотли ракеталарини учирди.

Трамп Эроннинг уранни бойитиш бўйича асосий объектлари «бутунлай йўқ қилинганини» айтди. Эрон томони эса Фордо заводи фақат қисман шикастланганини даъво қилмоқда.