Эрон 2024 йилда Ўзбекистонга нефть экспортини 18 фоизга оширди
Ўзбекистон 2024 йил 20 мартдан 20 декабргача Эрондан 292 миллион АҚШ доллари миқдорида нефть сотиб олди. Бу ҳақда «Тренд» нашри Эрон божхона маъмурияти маълумотларига таяниб хабар берди.
Унга кўра, 2024 йилда нефть етказиб бериш ҳажми қиймати бўйича бундан аввалги йилга нисбатан 18 фоизга ошган. Миқдор жиҳатидан эса мамлакатга нефть импорти 14 фоизга кўпайиб, 364 минг тоннадан 414 минг тоннага етди.
Эрон Ўзбекистонга нефтдан ташқари нефть-кимё маҳсулотлари, озиқ-овқат маҳсулотлари, қувурлар, қишлоқ хўжалиги техникаси ва бошқа товарларни экспорт қилган. Ушбу давр мобайнида икки давлат ўртасидаги товар айланмасининг умумий ҳажми 358 миллион долларни ташкил этди.
Таъкидлаш жоиз, 2024 йилда Ўзбекистоннинг Эрон билан товар айланмаси ҳажми 497 миллион долларга етган.
Тавсия этамиз
Кўп ўқилганлар
- Айрим оилаларга бир марталик моддий ёрдам берилади
- Ўзбекистонда доимий аҳоли сони ҳар куни неча кишига ошяпти?
- Шаҳрам Ғиёсов тажрибали рақибини муддатдан олдин мағлуб этди
- Самарқанд яна бир нуфузли форумга мезбонлик қилади
- Марказий банк шошилинч огоҳлантириш билан чиқди
- «Leapmotor» Ўзбекистонда ўтказилган автомобиль тести натижаларидан норозилигини билдирди
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг