Иллюстратив фото

Ягона интерактив давлат хизматлари порталида жарима балларини текшириш имкони яратилди. Бу ҳақда портал матбуот хизмати маълум қилди.

Эндиликда жарима баллари тўғрисидаги маълумотни Ягона портал орқали бепул ва ҳеч қандай ҳужжатларсиз онлайн олиш мумкин. Бунинг учун аризачи порталда рўйхатдан ёки аутентификациядан ўтиши керак, ундан кейин тегишли хизматни танлаб, сўров юбориши мумкин.

e-Jarimaball тизимида баллар мавжудлиги ёки мавжуд эмаслиги тўғрисидаги маълумот ИИВ Йўл ҳаракати хавфсизлиги хизмати маълумотлар базалари орқали автоматик равишда текширилади.

Тақдим этилган маълумотда эса тўпланган жарима бали, қабул қилинган қарор рақами, санаси ҳамда жарима бали учун Мажбурий жавобгарлик тўғрисидаги кодекснинг асос бўлувчи моддаси ва банди келтирилади.

Таъкидлаш жоиз, ЙҲХХ матбуот хизмати ҳайдовчилар жарима баллари тўғрисидаги маълумотларни «Safe ROAD YHXX» иловаси орқали ҳам кузатиб боришлари мумкин.

Эслатиб ўтамиз, 1 июндан бошлаб йўл ҳаракати қоидабузарликлари учун ҳайдовчиларга жарима балларини ҳисоблаш тартиби кучга кирди. Улар фақат ЙПХ ходимлари томонидан расмийлаштирилган маъмурий баённомалар асосида ҳисобланади.