Фото: AP

АҚШнинг собиқ президенти Дональд Трампга суиқасд уюштирилди.

Ҳодиса у Пенсильванияда ўз тарафдорлари билан учрашув вақтида юз берган. Трамп қулоғидан яраланган ва хавфсизлик хизмати ходимлари қуршовида воқеа жойини тарк этган.

АҚШ президентлигига номзоднинг матбуот котиби Стивен Чуннинг маълум қилишича, сиёсатчи Пенсильвания штатидаги касалхонада тиббий кўрикдан ўтган. Кейинроқ маълум бўлишича, Трамп ўнг қулоғидан яраланган ва кўп қон йўқотган.

«BNO News» порталига кўра, Трамп аллақачон тиббий муассасадан чиққанини хабар қилди. У Висконсинда бўлиб ўтадиган Республикачилар қурултойига иштирок этиш ниятида.

Махфий хизмат ўқ узган одамни ўлдирган. Ҳодиса оқибатида сайловолди митинг иштирокчиларидан бири ҳалок бўлган, яна икки нафари оғир яраланган.

АҚШ президенти Жо Байден Трампнинг тузалиб кетиши учун ибодат қилаётганини айтди. Кейинроқ Байден Трамп билан телефон орқали гаплашган.

Федерал қидирув бюроси отишма бўйича терговда асосий вазифани ўз зиммасига олган. Идора отишмада гумонланувчининг Пенсилвания штати яшовчи 20 ёшли эркак эканлигини аниқлаган. Махсус агент Кевин Рожакнинг айтишича, митингдаги отишма Трампнинг ҳаётига суиқасд сифатида баҳоланмоқда.

«New York Post» нашрининг ёзишича, Трампни ўлдирмоқчи бўлган шахснинг исми Томас Мэтью Крукс бўлиб, у 20 ёшда.

Вакиллар палатасининг Назорат ва жавобгарлик қўмитаси Доналд Трампга суиқасд бўйича тергов бошлаган.