Архив сурат

Англиялик афсонавий футболчи Дэвид Бекхэм Хитойнинг «Alibaba» компаниясига қарашли «AliExpress» онлайн савдо платформасининг дунё бўйича Амбассадори бўлди.

Бу хабар Германияда келаси ой футбол бўйича Европа турнири бошланиши арафасида эълон қилинди. Манбада компания Англия терма жамоасининг собиқ сардорига қанча маош бераётгани очиқланмаган.

Шартномага кўра, футбол юлдузи «AliExpress»нинг ўйинларни намойиш қилиб борадиган «Score More» платформасининг юзига айланади.

«AliExpress» мухлисларга «UEFA EURO-2024» мусобақага яқинроқ бўлишда ёрдам беради ва уларга ажойиб совғалар тайёрлаб қўйган», дейди Бекхэм.

Ушбу компания қатори Хитойнинг электромобиль ишлаб чиқарувчи «BYD» ва электроника бренди «Vivo» ҳам чемпионат доирасидаги дастурларига ҳомийлик қилмоқда.

Футболчи фаолиятини якунлаганидан буён кўплаб бренд ва спорт тадбирлари билан ҳамкорлик қилиб келмоқда. «Sunday Times Rich List» маълумотларига кўра, Бекхэм ва унинг рафиқаси Викториянинг бойлиги 581,6 миллион долларни ташкил этади.

Футбол бўйича Европа чемпионати шу йилнинг 14 июнь — 14 июль Германияда ўтказилади. Унга жами 2,7 миллион дона чипта чиқарилган.