Бухорода Халқаро мотоҳаваскорлар фестивали ўтказилди
2-4 октябрь кунлари Бухоро шаҳрида II халқаро мотоҳаваскорлар фестивали ўтказилди. Бу ҳақда «Дунё» АА хабар берди.
Тадбирда 80 нафардан ортиқ мотоҳаваскор иштирок этди.
Мото-марафон 2 октябрь куни соат 9:30 да «Asia Bukhara» меҳмонхонаси олдидан йўлга чиқди. Ҳаваскор иштирокчилар кун давомида қадимий шаҳарнинг диққатга сазовор манзиллари бўйлаб саёҳатда бўлиб, «Баҳоуддин Нақшбанд» зиёратгоҳи, «Моҳи-хосса» ёзги саройи ҳамда «Пойи Калон» мажмуасига борди.
Туризмни ривожлантириш давлат қўмитасининг Бухоро вилоят департаменти ташаббуси билан ўтказилган мазкур мото-марафон вилоят ҳокимлиги ва вилоят ИИБ Хавфсиз туризмни таъминлаш бошқармаси масъуллари ҳамкорлигида хавфсиз ва юқори савияда ташкиллаштирилди.
Таъкидлаш жоизки, байкерлар шоуси Бухорода иккинчи маротаба ўтказилди. Келгусида фестивални анъанавий тарзда ташкил этиб бориш режалаштирган.
Тавсия этамиз
Кўп ўқилганлар
- Миллий сертификат имтиҳони натижалари 21 иш куни ичида эълон қилинади — Билимни баҳолаш агентлиги
- Яна бир бозор аукционга қўйилди
- Ички ишлар вазири Бухоро вилояти ИИБнинг 10 га яқин раҳбарини ишдан бўшатди
- Ўзбекистон паспорти халқаро индексда паст натижа қайд этди
- Янги ҳафта аввалида қандай об-ҳаво кузатилиши маълум қилинди
- “Қутадғу билиг” достони қўлёзмасининг факсимиле нусхаси яратилади
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг