«Бухоро ҳудудий электр тармоқлари корхонаси» АЖ томонидан «Баҳоуддин Нақшбанд» ёдгорлик мажмуаси марказига етказиб берилган электр энергия учун юритилган ҳисоб-китобларда амалда белгиланган тарифларни ошириб қўллаш натижасида мажмуага нисбатан 115,0 миллион сўмлик қўшимча тўлов ҳисобланганлиги аниқланди.

Шу муносабат билан Рақобатни ривожлантириш ва истеъмолчилар ҳуқуқларини ҳимоя қилиш қўмитасининг Бухоро вилояти ҳудудий бошқармаси махсус комиссияси томонидан қонунчиликда белгиланган тартибда «Ҳудудий электр тармоқлари корхонаси» АЖнинг «Бухоро ҳудудий электр тармоқлари» АЖга нисбатан белгиланган тартибда иш қўзғатилди.

Маълум бўлишича, «Баҳоуддин Нақшбанд» ёдгорлик мажмуаси маркази томонидан қўмитанинг Бухоро вилояти ҳудудий бошқармасига келиб тушган мурожаатда электр тармоқлари амалда белгиланган тарифга нисбатан қўшимча тўлов ҳисобланаётганлигидан норози бўлиб, ушбу масалада амалий ёрдам сўралган.

Қайд этиш жоизки, Ўзбекистон Республикаси ҳудудидаги диний ташкилотлар 2003 йил 1 сентябрдан бошлаб уларга кўрсатиладиган коммунал хизматларга тўловларни аҳоли учун белгиланган тарифлар бўйича тўлаши кўрсатилган. Шу бўйича ҳисобланганда «электросеть» қўшиб ёзгани маълум бўлган.

Аввалроқ Энергетика вазирлиги 200 кВт·соат лимит оширилмаслигини билдирганди.