Сербияда ташкил этилаётган бокс бўйича аёллар ўртасидаги жаҳон чемпионати Ўзбекистон терма жамоаси учун муваффақиятли ўтмоқда. Ортда қолган чорак финал баҳсларида 4 нафар ҳамюртимиз ғалаба қозонди ва ярим финал йўлланмасига сазовор бўлди.

Маълумки, бу босқичга етиб келган ҳар бир иштирокчи ўзи учун камида бронза медалини нақд қилади. Ўзбекистонлик боксчи қизлар ҳали ҳеч бир дунё биринчилигида 4 та медаль қўлга киритмаганини инобатга олсак, бу жамоамиз учун тарихий чемпионатга айланмоқда.

-50 кг: Сабина Бобоқулова - Златислава Чуканова (Болгария) 5:2

-60 кг: Ситора Турдибекова - Виктория Графеева (Қозоғистон) 0:5

-66 кг: Навбаҳор Ҳамидова - Муния Тутире (Марокаш) 5:0

-81 кг: Соҳиба Рўзметова - Бусра Исилдар (Туркия) 0:5

-48 кг: Фарзона Фозилова - Анаханим Исмаилова (Озарбайжон) 5:0

-52 кг: Феруза Казакова - Имане Эл Аъзами (Марокаш) 5:0

-57 кг: Нигина Ўктамова - Андела Бранкович (Сербия) 0:5

-75 кг: Азиза Зокирова - Аофе Орюрки (Ирландия) 1:4

Бугун ярим финал босқичида рингга кўтариладиган ҳамюртларимиз ва уларнинг рақиблари билан танишинг:

-48 кг: Фарзона Фозилова - Юлия Чумгалакова (Россия)

-50 кг: Сабина Бобоқулова - Ху Меийи (Хитой)

-52 кг: Феруза Казакова - Панг Чол Ми (КХДР)

-66 кг: Навбаҳор Ҳамидова - Албина Молдажанова (Россия).