Bloomberg: АҚШнинг Украина бўйича тинчлик режасидан Россиянинг музлатилган активлари ҳақидаги банд олиб ташланди
Bloomberg ёзишича, АҚШнинг сўнгги тинчлик режа лойиҳасидан Россиянинг музлатилган активларидан 100 млрд доллар ажратиш ҳақида кўзда тутилган банд олиб ташланган.
Агентлик манбаларига кўра, ушбу банднинг йўқотилиши Европа расмийлари томонидан ижобий қадам сифатида баҳоланган.
Аввалги таклифга кўра, АҚШ ушбу активлар бўйича фойданинг 50 фоизини олиши керак эди, фойдаланилмай қолган музлатилган маблағлар эса Россия-Америка инвестиция жамғармасига йўналтирилиши режалаштирилганди.
Шу билан бирга, Европа Иттифоқи давлатлари музлатилган Россия активларидан фойдаланишнинг ҳуқуқий механизмларини ишлаб чиқишга уринмоқда.
Аввалроқ Украина депутати Алексей Гончаренко АҚШ таклиф қилган 28 бандлик тинчлик режасини эълон қилганди. Унда Украинанинг НАТОга кирмаслиги, тинчлик битими имзолангач 100 кун ичида сайлов ўтказилиши, Қрим, Луганск ва Донецкни де-факто Россия ҳудуди сифатида тан олиш каби талаблар мавжуд.
Кейинчалик Reuters АҚШ режасига Европа иттифоқдошларининг муқобил таклифи бўлган ҳужжатнинг тўлиқ матнини эълон қилган.
Тавсия этамиз
Кўп ўқилганлар
- Янгиланаётган Марказий Осиё: бирлик, дўстлик ва ҳамкорликнинг янги босқичи
- “Лўлилар фақат тиланчими?...” Улар яшаётган маҳалладан фоторепортаж
- Ногиронлиги бўлган фуқароларга 30 млн сўмгача фоизсиз ссуда ажратилади
- Ҳокимлик Тошкентни “юва бошлади“. Хўш, сув сепиш ҳаво ифлосланишини камайтирадими?
- Камбағалликни қисқартириш: пул эмас, ақл-идрок ва билим муҳим
- «Адабиёт ва ҳаёт»: Султонбой Деҳқоновнинг шахсий фотокўргазмаси очилди (+фоторепортаж)
Изоҳлар
Ҳозирча ҳеч ким фикр билдирмаган. Балки Сиз биринчилардан бўларсиз?
Изоҳ қолдириш учун тизимга киринг