Кеча, 13 ноябрь куни Бирлашган Араб Амирликлари ҳудудида ўтиши режалаштирилган «Al Ain Cup» турнири старт олди.

Дастлабки ўйинда Эрон терма жамоаси ўз тарихида биринчи марта Жаҳон чемпионати йўлланмасини қўлга киритган Кабо-Верде термаси билан куч синашди.

Учрашувнинг асосий вақти 0:0 ҳисобидаги дурранг билан якунланди. Пенальтилар сериясида эса “форслар“ 5:4 ҳисобида ғалаба қозонди. Африка вакили сафида фақатгина «Лудогорец» аъзоси Дерой Дуарте зарбада адашди.

Шу тариқа Эрон терма жамоаси мусобақанинг дастлабки финалчисига айланди. Кабо-Верде терма жамоаси эса энди учинчи ўрин учун ўйинда иштирок этади.

Маълумот учун, ушбу жамоаларнинг рақиблари бугун бўлиб ўтадиган Ўзбекистон — Миср учрашувидан кейин маълум бўлади.

Эрон — Кабо-Верде 0:0

Пенальтилар серияси — 5:4.

13 ноябрь, Ал Айн. «Ҳазза бин Зайд»

Эрон: Бeйрaнванд, Алияри, Халилзода, Неъмати (Муҳаммади, 71), Исмоилифар (Ҳардани, 55), Иззатуллоҳий, Горбани (Нурафкон, 55), Ҳуссайнзода (Ҳошиминажод, 55), Моҳабби, Қуддус (Алипур, 80), Тaрeми.

Кабо-Верде: Возиня, Ленини, Стопира, Семеду, Боржес, Монтейру (Арканжо, 60), Пина, Мендеш (Родригес, 60), Дуарте, Кабрал (Пауло, 80), Ливраменто (да Крус, 60).