Фото: Reuters

Россия президенти Владимир Путин музокаралар чоғида АҚШ етакчиси Доналд Трампни очиқчасига масхара қилади. Бу фикрларни АҚШнинг Европа ва Россия масалалари бўйича собиқ махсус ёрдамчиси Фиона Хилл «The Foreign Affairs» нашрига берган интервьюсида айтиб ўтди.

Трампнинг ўзи таржимадаги қийинчиликлар туфайли Россия раҳбарининг масхара ва киноясини тушунмайди. Трампнинг биринчи президентлик даврида Россия ва АҚШ ўртасидаги музокараларда қатнашган ва рус тилини биладиган Хиллнинг айтишича, таржимонлар Путиннинг мулоқот услубини етказмаган ҳолда уни силлиқлаштирган. АҚШ раҳбари кейинроқ Россия президенти баёнотларининг пастки матнини тушунтириб берган музокаралар стенограммасини қайта ўқимаган.

Мисол тариқасида Хилл давлат раҳбарларининг Исроил ҳақидаги суҳбатини келтирди. Трампнинг таъкидлашича, ҳеч ким бу мамлакат учун ундан кўпроқ иш қилмаган. Бунга Путин Трамп «яхши йигит» эканини ва Исроил мамлакати номини АҚШ президенти шарафига ўзгартириши кераклигини айтди. Таржимон истеҳзони тўхтатди ва Трамп жиддий жавоб берди: «Йўқ, бу жуда ошиб кетиши мумкин».

Аввалроқ, Трамп Украинадаги тинчлик музокаралари ҳал қилувчи паллага кираётганини айтганди. Бугун, 18 март куни Америка етакчиси Путин билан қўнғироқ қилиши режалаштирилган.